ՏԵՍԱՆՅՈՒԹ. Այսօրվանից սկսած արդեն կմասնակցեմ նիստերին. Վահե Գրիգորյան
Ես նախ շնորհավորում եմ սահմանադրական փոփոխություններն այսօր ուժի մեջ մտնելու կապակցությամբ: Այս մասին այսօր՝ հունիսի 26-ին, ՍԴժի դիմաց լրագրողների հետ զրույցում նշեց ՍԴ դատավոր Վահե Գրիգորյանը:
Մեկնաբանելով կողմնակալության հարցի վիճարկումըՙ Վահե Գրիգորյանը նշեց.
«Երբ սահմանադրական մի մարմին տեսնում է, որ այդ որակներն էականորեն սղված են, գոյություն չունեն, առավել ևս ոչ թե 7 անդամները կողմնակալ կարող են դիտվել, էստեղ ողջ աբսուրդն այն է, որ մինչև էսօր քննարկվում ա, թե ՍԴ անդամները կարո՞ղ են արդյոք քննել իրենց վերաբերյալ գործը։ Կողմնակալությունը մի վիճակ է, երբ որ արբիտրն այս կամ այն կողմի օգտին կամ դեմ որոշման մեջ շահագրգռվածություն ունի, գործի ելքով շահագրգռվածություն ունի։ Էստեղ իրենք ոչ թե կողմնակալ են, էստեղ իրենք կողմն են։ Պատկերացրե՛ք, դուք հայցվոր եք, գնում եք դատարան, ներկայացնում եք ձեր հայցը, պատմում եք՝ ինչ պետք է, ավարտում եք ձեր ելույթը և հետո նստում եք դատավորի աթոռին»։
Գրիգորյանը հայտնեց, որ ինքն ամեն օր է աշխատանքի ներկայանում, այսօրվանից սկսած արդեն մասնակցելու է նիստերին. «Այս պահից դատարանում արդեն կա 6 դատավոր: Դա բավարար քվորում է ՍԴ բոլոր լիազորություններն իրականացնելու համար»:
