Ավանում «Hyundai Elantra»-ն բախվել «Մերսեդեսին» ու «Nissan March»-ին. 3 հոգու հասցրել են հիվանդանոց

Հայաստանի ԱԻՆ-ում, հունիսի 21-ին, ժամը 23:26-ին Ճգնաժամային կառավարման ազգային կենտրոն տեղեկություն է ստացվել, որ Երեւանի Մյասնիկյան պողոտայի եւ Աճառյան փողոցի խաչմերուկում տեղի է ունեցել ավտովթար՝ առկա է գազի արտահոսք։

Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «Hyundai Elantra» մակնիշի ավտոմեքենան դուրս է եկել ճանապարհի երթեւեկելի հատվածից եւ բախվել կայանած «Merсedes-Benz» եւ «Nissan March» (վարրորդ՝ Երվանդ Կ․) մակնիշների ավտոմեքենաներին, վերջինից տեղի է ունեցել գազի արտահոսք։

Մինչ փրկարարների՝ կանչի վայր հասնելը «Merсedes-Benz» մակնիշի ավտոմեքենայի երկու ուղեւորները եւ «Nissan March» մակնիշի ավտոմեքենայի վարորդը հոսպիտալացվել են «Հերացի» թիվ 1 հիվանդանոցային համալիր։

Փրկարարները հոսանքազրկել են «Merсedes-Benz» մակնիշի ավտոմեքենան, փակել «Nissan March» մակնիշի ավտոմեքենայի գազի բալոնի փականը եւ իրականացրել ճանապարհի լվացման աշխատանքներ։