Թալինում մեքենան գլորվել է ձորը. վարորդը, 1 եւ 11 տարեկան երեխաները տեղափոխվել են հիվանդանոց
Խոշոր ավտովթար է տեղի ունեցել Արագածոտնի մարզի Կաթնաղբյուր գյուղի մոտակայքում։ Դեպքի վայր մեկնած փրկարարները պարզվել են, որ 31-ամյա Անի Թ.-ի վարած «Nissan March» մակնիշի ավտոմեքենան դուրս է եկել ճանապարհի երթևեկելի հատվածից և սահել ձորակը։ Մեքենան մոտ 40 մ գլորվել է դեպի ձորը։ Մինչ փրկարարների՝ կանչի վայր հասնելը վարորդը և ուղևորները՝ 1 տարեկան Ջոն Գ․-ն և 11 -ամյա Սիլվանա Գ.-ն տեղափոխվել են Թալինի բուժկենտրոն։ Հիվանդանոցում բժիշկները վարորդ Անի Թ․-ի և Սիլվանա Գ․-ի առողջական վիճակը գնահատել են միջին ծանրության, իսկ Ջոն Գ․-ինը՝ ծանր:
