Փարիզում ցուցարարները ներկ են լցրել առողջապահության նախարարության մուտքի մոտ

Ֆրանսիայում համաճարակ բռնկման պահից ի վեր կորոնավիրուսով վարակվել է ավելի քան 159 հազար մարդ, մահացել՝ ավելի քան 29 հազարը: 

Փարիզում ցուցարարները կարմիր ներկ են ցողել առողջապահության նախարարության շենքի դիմաց՝ «խորհրդանշելու «Քովիդ-19»-ի հետևանքով մահացածներին և ընդգծելու առողջապահության ոլորտի աշխատակիցների վատ դրությունը»: 
CNN-ի փոխանցմամբ՝ ցուցարարների մեծամասնությունը Ֆրանսիայի «Ֆինանսական գործարքների հարկագանձման» ակտիվիստական խմբավորման անդամներն էին: 
Ցուցարարները քննադատել են երկրի կառավարությանը առողջապահության աշխատակիցների բուժման գործընթացի համար: Նրանք քննադատել են նույնիսկ բուժաշխատողներին մեդալ շնորհելու առաջարկը: 
«Մենք այստեղ ենք մեր աջակցությունը հայտնելու առողջապահության ոլորտի աշխատակիցներին, որոնք առաջնագծում են պայքարել սանիտարական ճգնաժամի ժամանակ, ինչպես նաև պահանջելու, որ նրանք վերջապես ապահովվեն աշխատելու համար անհրաժեշտ միջոցներով»,- ասել է խմբավորման ներկայացուցիչը: