Խոշոր հրդեհ Երևանում. 3 Ford Transit-ներ վերածվել են մոխրակույտի

Խոշոր հրդեհ է տեղի ունեցել Երևանում: Հրդեհ է բռնկվել Մալայանի անվան ակնաբուժական կենտրոնի հարևանությամբ գտնվող խոտածածկ տարածքում: ֆոտոլրագրող Գագիկ Շամշյանի տեղեկացմամբ, դեպքը գրանցվել է երեկ կեսգիշերին մոտ: Հրդեհի վայր են ժամանել Արտակարգ Իրավիճակների նախարարության Փրկարար ծառայության թիվ 7 և թիվ 13 հրշեջ-փրկարարական ջոկատներից մեկական մարտական հաշվարկ: Հրշեջները նախ կանխել են կրակի տարածումը, այնուհետև մարել այն: Հրդեհի հետևանքով ամբողջովին այրվել և մոխրակույտի են վերածվել 3 հատ չշահագործվող Ford Transit մակնիշի ավտոմեքենա և հարակից հատվածում կուտակված աղբը: Թե ինչն է եղել հրդեհի պատճառը, պարզ կլինի փորձաքննությունից հետո: 

[523520ff2900d936620e75c2f5883978.jpg]

[d8ed9bd8ed77588148d9c8b33851c655.jpg]

[bec2a80bde16474c87868e929f1a43b7.jpg]

[895ebff9e6fec79810ed6e5172edbdc9.jpg]