Արցախի ԱԺ նախագահը ցավակցել է ԼՂՀ 2-րդ գումարման ԳԽ պատգամավոր Անդրեյ Ղարամյանի մահվան կապակցությամբ
Մահացել է ԱՀ անվտանգության նախկին քարտուղար Արշավիր Ղարամյանի եղբայրը՝ ԼՂՀ 2-րդ գումարման Գերագույն խորհրդի պատգամավոր Անդրեյ Ղարամյանը։ ԱՀ ԱԺ նախագահ Արթուր Թովմասյանը ցավակցել է Անդրեյ Ղարամյանի մահվան կապակցությամբ։ Այս մասին տեղեկացնում է Արցախի ԱԺ աշխատակազմը։
«Խորը վշտով առա ԼՂՀ 2-րդ գումարման Գերագույն խորհրդի պատգամավոր Անդրեյ Ղարամյանի մահվան գույժը: Լավագույն գործընկերոջ, օրինակելի քաղաքացու եւ պարզապես լավ մարդու մասին անցյալով խոսելն անասելի ցավալի է։ Անձամբ իմ եւ Արցախի խորհրդարանի պատգամավորների անունից այս անդառնալի կորստի համար անկեղծ վշտակցություն եմ հայտնում Անդրեյ Ղարամյանի մերձավորներին։ Համբերություն բոլորին։ Անդրեյ Ղարամյանը, որպես վառ անհատականություն, մեզ համար կշարունակի միշտ մնալ ներկա»,- ասված է ցավակցական ուղերձի մեջ:
