Դիլիջանի ոստիկանները խուզարկությամբ ապօրինի զինամթերք են հայտնաբերել

Հարուցված քրեական գործի շրջանակներում ձեռք բերված օպերատիվ տվյալների հիման վրա ոստիկանության Դիլիջանի բաժնի ծառայողներն ու Դիլիջանի քննչական բաժնի աշխատակիցները հունիսի 12-ին, դատարանի որոշմամբ, խուզարկեցին Դիլիջանի Գետափնյա փողոցի տներից մեկն ու օժանդակ շինությունները։ Իրավապահները հայտնաբերեցին գրչանման կրակող սարք, 20-ից ավելի տարբեր տրամաչափի փամփուշտ, ինքնաձիգի մաս հանդիսացող դետալ եւ այլն։

Հայտնաբերվածն առգրավվել եւ ուղարկվել է փորձաքննության։

Հարուցված քրեական գործի շրջանակներում օպերատիվ-հետախուզական միջոցառումներն ու քննչական գործողությունները շարունակվում են։