Սյունիքում Kia Sorento-ն մի քանի պտույտ գլորվելով՝ գլխիվայր հայտնվել է Ողջի գետի ափին. կան վիրավորներ. shamshyan com

Մայիսի 29-ին խոշոր ավտովթար է տեղի ունեցել Սյունիքի մարզում; Ժամը 16։00-ի սահմաններում Քաջարան քաղաքի բնակիչ՝ 22-ամյա Ռազմիկ Դ-ն իր վարած Kia Sorento մակնիշի ավտոմեքենայով Մեղրի-Երևան Մ2 ավտոճանապարհի 67 կմ հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց, մի քանի պտույտ գլորվելով՝ գլխիվայր հայտնվել Ողջի գետի ափին։
 

Ինչպես հայտնում է shamshyan.com-ը, վթարի հետևանքով վարորդ Ռազմիկ Դ-ն, նրա ուղևոր՝ համաքաղաքացի, 24-ամյա Արսեն Դ-ն մարմնական վնասվածքներով տեղափոխվել են Քաջարանի բժշկական կենտրոն։
 

Օպերատիվորեն ժամանել են նաև Արտակարգ իրավիճակների նախարարության Փրկարար ծառայության Սյունիքի մարզային փրկարարական վարչության հրշեջ-փրկարարական ջոկատը՝ 1 մարտական հաշվարկով: Փրկարարերը հոսանքազրկել են ավտոմեքենան, սահմանազատել տարածքը, այնուհետև օգնել ավտոմեքենան դուրս բերել անվտանգ վայր։
 

Մանրամասները՝ սկզբնաղբյուրում: