Բաղրամյան պողոտայում 14-ամյա աղջիկն սպառնացել է ցած նետվել պատուհանից
Մայիսի 30-ին, ժամը 00:33-ին Ճգնաժամային կառավարման ազգային կենտրոն ահազանգ է ստացվել, որ Երևանի Բաղրամյան պողոտայի թիվ 75 շենքի բնակարաններից մեկից վիճաբանության ձայներ են լսվում, քաղաքացին սպառնում է ցած նետվել պատուհանից։
Դեպքի վայր է մեկնել ԱԻՆ ՓԾ հոգեբանական աջակցության բաժնի հրահանգիչը:
Պարզվել է, որ Անահիտ Հ․-ն (ծնված 2006 թ․) սպառնացել է ցած նետվել․ հոգեբանական աջակցության բաժնի հրահանգիչը հոգեբանական զրույց է վարել Անահիտ Հ․-ի հետ և խորհրդատվություն տրամադրել ընտանիքի անդամներին։
