Կամրջից նետված 14-ամյա աղջիկը վերակենդանացման բաժանմունքում է

Երեկ՝ ուշ երեկոյան, կամրջից նետված 14-ամյա աղջիկը գտնվում է վերակենդանացման բաժանմունքում: Այս մասին   ԼՈՒՐԵՐ.com-ի հետ զրույցում ասել է «Սուրբ Աստվածամայր» ԲԿ մամուլի քարտուղար Գևորգ Դերձյանը:

«Երեխան գտնվում է վերակենդանացման բաժանմունքում, նրան բժիշկները հետազոտում են: Այս պահին այլ մանրամասներ ասել չեմ կարող»,- լրատվականի հետ զրույցում նշել է Դերձյանը:

Հիշեցնենք, որ աղջիկը, ցանկանալով ինքնասպան լինել, երեկ՝ ուշ երեկոյան, նետվել էր «Կարմիր» կոչվող կամրջից։ 

Դեպքի վայր են մեկնել ԱԻՆ ՓԾ Արմավիրի մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբը։ 

Տուժածը հոսպիտալացվել է նախ Արմավիրի ԲԿ-ում, այնուհետև տեղափոխվել՝ «Սուրբ Աստվածամայր» ԲԿ։