Երկրում չպետք է չմշակված հող մնա. Վրաստանի վարչապետ
Ագրարային գործընթացը չպետք է կանգ առնի ոչ մի օր, երկրում չպետք է չմշակված հող մնա: Այս մասին գյուղատնտեսության հակաճգնաժամային ծրագրի քննարկման ժամանակ հայտարարել է Վրաստանի Հանրապետության վարչապետ Գեորգի Գախարիան ։
Գախարիայի խոսքով ՝ Վրաստանի բոլոր 42 հազար ֆերմերներն ամբողջությամբ կազատվեն ոռոգման համար վճարումներից և 2020 թվականի ընթացքում նրանք անվճար ոռոգելու են իրենց հողատարածքները: Այսմասին հայտնում է «Նովոստի Գրուզիա»-ն:
«Բացի այդ, յուրաքանչյուր հողագործ, որին հարկավոր կլինի տեխնիկա գնել, վերազինել ջերմոցային տնտեսությունը կամ ոռոգման համակարգը, պետությունից կստանա ֆինանսական օգնություն կամ աշխատանքների արժեքի 50 տոկոսի վճարում , դա դրամաշնորհ կլինի», - հայտարարել Է Գեորգի Գախարիան:
Վարչապետի խոսքով ՝ այդ ծրագրերը կգործարկվեն մայիսի 20-ից և ծրագիրը պարունակում է նաեւ այլ օգնություն, որը կտարածվի շուրջ 200 հազար հողագործների վրա: Գյուղատնտեսության ոլորտին տրամադրվող օգնության բյուջեն կկազմի 300 մլն լարի (80 մլն դոլլար)։
