«Մոլոտովի կոկտեյլն» ադրբեջանցի է հորինել. ինքնագովեստի հեղինակն Իլհամ Ալիևն է
Ադրբեջանի ներկա ղեկավար Իլհամ Ալիևը հայտարարել է, թե իբր ադրբեջանցիներն են ստեղծել «Մոլոտովի կոկտեյլը»։ «Մոլոտովի կոկտեյլն» է, որ ներկայում տարբեր ցույցերի ժամանակ նետում են իրավապահների ուղղությամբ։ Հրավառ հեղուկով լցված շշերը, որոնցից դուրս եկող կտորը վառում և նետում են հակառակորդի ուղղությամբ, ընկնելիս բոցավառվում ու զգալի վնաս է հասցնում։ Այս մեթոդը խորհրդաֆիննական պատերազմի ժամանակ խորհրդային զորքերի դեմ կիրառել են ֆինները: Նրանք սկզբից այն կոչում էին «Կոկտեյլ Մոլոտովի համար»՝ նկատի ունենալով ԽՍՀՄ արտաքին գործերի ժողկոմիսար Մոլոտովին։ Հետագայում այն ուղղակի սկսեցին կոչել հենց «Մոլոտովի կոկտեյլ»։
«Ադրբեջանցի գիտնականները» իրենց ներդրումն են ունեցել ԽՍՀՄ Հայրենական պատերազմում Խորհրդային Միության հաղթանակի գործում։
