Աբովյան քաղաքի շենքերից մեկի վերելակի հորանում հրդեհ է բռնկվել. տարհանվել է շենքի 60 բնակիչ
Ապրիլի 30-ին՝ ժամը 16:08-ին, Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Աբովյան քաղաքի Հանրապետության փողոցի թիվ 26 շենքի վերելակի հորանում ծուխ է նկատվում:
Դեպքի վայր է մեկնել ԱԻՆ ՓԾ Երևան քաղաքի և մարզային փրկարարական վարչության հրշեջ-փրկարարական ջոկատներից չորս մարտական հաշվարկ, ավտոսանդուղք և հատուկ փրկարարական աշխատանքների կազմակերպման արձագանքման խումբը:
Տարհանվել են շենքի 60 բնակիչ:
Հրդեհը մեկուսացվել է ժամը 17:12-ին, մարվել՝ 17:31-ին: Վերելակի հորանում այրվել է մոտ 10 քմ աղբ:
