Խոշոր ավտովթար Ապարանում. բախվել են BMW X5-ն ու Mercedes-ը
Երեկ՝ ապրիլի 26-ին, խոշոր ավտովթար է տեղի ունեցել Արագածոտնի մարզում։ Այս մասին հայտնում է Shamshyan.com–ը։ Ժամը 14։30-ի սահմաններում Ապարան քաղաքի Գարեգին Նժդեհի 15/1 հասցեի դիմաց բախվել են Ապարանի բնակիչ՝ 44-ամյա Տիգրան Նշանյանի վարած Mercedes մակնիշի 35 QG 167 համարանիշի և Երևանի բնակիչ՝ 27-ամյա Տիրան Համամջյանի վարած BMW մակնիշի 36 ՏD 163 համարանիշի ավտոմեքենաները։ Վթարի հետևանքով վարորդներից Տ. Նշանյանը մարմնական վնասվածքներով տեղափոխվել է «Ապարան» բժշկական կենտրոն։ Փաստի առթիվ նյութեր են նախապատրաստվում։
