Սոթք-Քարվաճառ ավտոճանապարհին արգելափակվել է 3 միկրոավտոբուս, 10 մարդատար մեքենա

Ապրիլի 24-ին, ժամը 13:30-ից Ճգնաժամային կառավարման ազգային կենտրոն ահազանգեր են ստացվել, որ Սոթք-Քարվաճառ ավտոճանապարհին կան արգելափակված ավտոմեքենաներ, ճանապարհը փակ է:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը: Ըստ ԱԻՆ տեղեկատվության, տեղում պարզվել է, որ Սոթք-Քարվաճառ ավտոճանապարհի 32-րդ կմ-ին  «KamAZ» մակնիշի բեռնատարը խափանվել է, չի կարողանում շարունակել ընթացքը: Դրա հետևանքով ճանապարհը դարձել է միակողմանի երթևեկելի, արգելափակվել են այլ ավտոմեքենաներ:

Փրկարարները քաղաքացիների հետ համատեղ արգելափակումից դուրս են բերել խափանված բեռնատարը, 3 միկրոավտոբուս, 10 մարդատար և 2 «KamAZ» մակնիշի բեռնատար: