Ապարանի ԲԿ-ի բակում ծառը կոտրվել ու ընկել է «ՈՒԱԶ»-ի վրա
Հայաստանի ԱԻՆ-ում, ապրիլի 23-ին, ժամը 22:29-ին Ճգնաժամային կառավարման ազգային կենտրոն տեղեկություն է ստացվել, որ քամու հետեւանքով ծառը կոտրվել եւ ընկել է Արագածոտնի մարզի Ապարանի տարածաշրջանի Գարեգին Նժդեհի փողոցի թիվ 30 հասցեում գտնվող «Ապարանի Բժշկական Կենտրոն» ՓԲԸ-ի բակում կայանած «ՈւԱԶ» մակնիշի ավտոմեքենայի վրա:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ վնասվել են ավտոմեքենայի վերեւի հատվածը, դիմապակին եւ դռները:
Փրկարարները մասնատել եւ հեռացրել են ծառը:
