Վանաձորի «Արցախ» պուրակում տեղի ունեցած գողությունը ոստիկանները բացահայտել են. գողոնը հայտնաբերվել է

Ապրիլի 21-ին, ժամը 13-ի սահմաններում, ոստիկանության Տարոնի բաժնում օպերատիվ կառավարման կենտրոնից հաղորդում է ստացվել, որ Վանաձորի «Արցախ» պուրակում գողացել են մի տղամարդու պայուսակը: Այս մասին հայտնում են ՀՀ ոստիկանությունից:
Դեպքի վայր մեկնած օպերատիվ խումբը պարզել է, ժամը 13-ի սահմաններում, Տիգրան Մեծի փողոցին հարակից «Արցախ» պուրակի հենապատի վրայից գողացել են մի տղամարդու ձեռքի պայուսակը, որի մեջ եղել է նեթբուք:
Քրեական հետախույզների արագ և օպերատիվ աշխատանքի արդյունքում տեղեկություններ են ստացվել, որ գողությունը կատարել է Վանաձորի Վարդանանց փողոցի 51-ամյա մի բնակիչ:

Նույն օրը` ժամը 15.30-ի սահմաններում, կասկածվողը բերման է ենթարկվել ոստիկանության Տարոնի բաժին:

Նա տվել է խոստովանական բացատրություն, hանգամանքները պարզվում են:

Գողոնը հայտնաբերվել է:

Փաստի առթիվ նախապատրաստվում են նյութեր: