Ինչու Արցախում նախագահական ընտրությունների երկրորդ փուլը չի հետաձգվում. ArmDaily

Արցախի Նախագահ Բակո Սահակյանը այսօր հրամանագիր է ստորագրել երկրում արտակարգ իրավիճակ հայտարարելու վերաբերյալ։ Այն կտևի մինչև մայիսի 12-ը։ Ըստ հրամանագրի՝ վերջերս վարակի արձանագրված դեպքերը անհրաժեշտություն են առաջացրել նոր լրացուցիչ քայլերի ձեռնարկման և միջոցառումների իրականացման, այդ թվում՝ ապրիլի 14-ին նախագահական ընտրությունների անցկացման ժամանակ։ 

Ընդգծենք, որ ապրիլի 14-ին Արցախում նախանշված նախագահական ընտրությունների երկրորդ փուլը կայանալու է։ Հրամանագրում նշվում է, որ պահպանվում է կայանալիք նախագահական ընտրություններին մասնակցելու նպատակով ընտրողների և այլ անձանց ազատ տեղաշարժի իրավունքը։

Ընտրությունները չհետաձգելու փաստը համացանցում բուռն քննարկումներ է առաջ բերել՝ արժանանալով բազմաթիվ քննադատությունների:

Հարկ է նշել, որ Արցախում ընտրոթյունների երկրորդ փուլը չի կարող հետաձգվել: 

Արցախի նախկին ՄԻՊ, իրավապաշտպան Ռուբեն Մելիքյանն ArmDaily.am-ի հետ զրույցում նշել էր, որ Արցախի օրենսդրությամբ չի նախատեսնում որևէ կերպ երկրորդ փուլի հետաձգում։ Միակ տարբերակը արտակարգ դրության կամ ռազմական դրության հայտարարումն է, որի դեպքում, սակայն ամեն ինչ զրոյից է սկսվելու, այսինքն՝ այդ դեպքում առաջին փուլի արդյունքները պետք է չեղարկվեն: