Հաջորդ շաբաթը ռուսաստանցիների համար կլինի ոչ աշխատանքային. РИА Новости
ՌԴ նախագահ Վլադիմիր Պուտինը ուղերձով դիմել է քաղաքացիներին՝ տեղեկացնելով, որ հաջորդ շաբաթը Ռուսաստանում լինելու է ոչ աշխատանքային, բայց պահպանվելու են աշխատավարձերը։ Այդ մասին տեղեկացնում է РИА Новости -ն:
«Մենք տեսնում ենք, թե ինչպես սուր է զարգանում աշխարհում կորոնավիրուսային համավարակը: Բազմաթիվ երկրներում ավելանում է հիվանդների թիվը: Հարվածի տակ է համաշխարհային ողջ տնտեսությունը: Ներկայումս չափազանց կարևոր է կանխել հիվանդության արագ տարածումը, այդ իսկ պատճառով հաջորդ շաբաթը հայտարարում եմ ոչ աշխատանքային՝ աշխատավարձերի պահպանմամբ»,- հայտարարել է Պուտինը:
Այդկերպ, հանգստյան օրերը կշարունակվեն մարտի 28-ից մինչև ապրիլի 5-ը:
