Դատապարտյալների մոտ կորոնավիրուսի դեպք չի արձանագրվել․ Բադասյան
Քրեակատարողական հիմնարկներում որևէ թեստ դրական արդյունք չի տվել։ Այս մասին Ազգային ժողովում հայտնել է ՀՀ արդարադատության նախարար Ռուստամ Բադասյանը
«Բոլորը բացասկան են եղել, որևէ դատապարտյալի մոտ մինչ այս պահը չի հաստատվել կորոնավիրուս։ Քրեակատարողական հիմնարկներում մտահոգվելու կամ խուճապի մատնվելու տրամադրություն չկա և չպետք է լինի», - նշել է նա։
Նախարարը հստակեցրել է՝ դատապարտյալների հիվանդանոցը կարող է որոշակի շենքային պայմաններ ապահովել՝ անհրաժեշտության դեպքում ապահովելով դատապարտյալներին ու կալանավորված անձանց համապատասխան բժշկական օգնությամբ։
