16.00-ից հետո ամբողջությամբ կկիրառենք օրենսդրությունը. Հայկ Մհերյան
Պարետատան այսօրվա առաջին ասուլիսը փոխոստիկանապետ Հայկ Մհերյանի և Արդարադատության նախարարության ներկայացուցիչ Արփինե Սարգսյանի հետ էր: Փոխոստիկանապետը հիշեցրել է, որ երեկվանից գործում են մարդկանց տեղաշարժի սահմանափակումներ, և ոստիկանությունը հորդորում է հետևել պարետի ցուցումներին:
Արդարադատության նախարարության ներկայացուցիչն էլ հիշեցրել է, որ մարտի 23-ից լրատվական գործունեություն իրականացնողները արտակարգ դրության պայմաններում լրատվության տարածման կանոնները խախտելու դեպքում կտուգանվեն նվազագույն աշխատավարձի 100-պատիկից 300-պատիկի չափով,
«92 մեքենաներից, որպես երրորդ անձ, դուրս ենք հրավիրել մարդկանց, 2 ընդհանուր օգտագործման տրանսպոտային միջոցի նկատմամբ ենք միջոց կիրառել, իսկ 16։00-ից հետո ամբողջությամբ կկիրառենք օրենսդրությունը: Մինչ այդ ժամը փորձելու ենք քաղաքացիներին ընտելացնել իրավիճակին»,- ասել է փոխոստիկանապետ Հայկ Մհերյանը:
