Կոտայքի մարզի մանկապարտեզներում պահեստավորված սնունդը բաժանվել է խոցելի խմբերում գտնվող տարեցներին
Կոտայքի մարզպետ Ռոմանոս Պետրոսյանի ֆեյսբուքյան էջից տեղեկանում ենք՝ մարզի համայնքների մանկապարտեզներում պահեստավորված սնունդը բաժանվել է խոցելի խմբերում գտնվող տարեցներին:
«Մասնավորապես, Բյուրեղավան, Ծաղկաձոր, Եղվարդ, Աբովյան համայնքների մանկապարտեզներում պահեստավորված մսամթերքը, կաթնամթերքը, բանջարեղենը, հրուշակեղենը բաշխվել է միայնակ և/կամ անժառանգ թոշակառուներին, ինչպես նաև խոցելի խմբում գտնվող մի շարք ընտանիքների:
Բաշխումն իրականացվել է համայնքապետարանների աշխատակիցների կողմից: Մարզի այլ համայնքներում ևս իրականացվել են պարենային ապրանքների բաշխման աշխատանքներ: Առավել մանրամասն տեղեկություններ հրապարակված են մարզպետարանի պաշտոնական կայքէջում:
Ցանկը թարմացվում է. նոր տվյալներով համալրելուն պես հանրությունը կիրազեկվի անցկացվող միջոցառումների մասին»,- ասված է գրառման մեջ:
