ԹԱՐՄԱՑՎԱԾ. Թբիլիսին չեղարկել է դեպի Երևան այսօրվա թռիչքները
Վրաստանում Հայաստանի դեսպանությունը հայտարարություն է տարածել, որում, մասնավորապես, ասված է.
«Տեղեկացնում ենք, «Georgian Airways» և «Armenia Aircompany» ավիաընկերությունների այսօր՝ ժամը 18։50-ին նախատեսված Թբիլիսի-Երևան երկու ավիաչվերթների չեղարկումը բացառապես պայմանավորված է այդ երկու ավիաընկերությունների չվացուցակներում տեղի ունեցած փոփոխությունների հետ։
Ավիաընկերությունների պնդմամբ, վաղվանից ավիաչվերթները կշարունակվեն ըստ ժամանակացույցի»։
«Արմենիա» ավիաընկերության փոխտնօրեն Գևորգ Խաչատրյանն իր հերթին հետևյալ պարզաբանումն է ներկայացրել.
«Մամուլում շրջանառվող Թբիլիսի- Երևան չվերթի չեղարկման մասին նորությանը որպես պարզաբանում տեղեկացնեմ, որ հիշյալ չվերթը չեղարկվել է դեռևս 1 ամիս առաջ և պայմանավորված է բացառապես կոմերցիոն նպատակով»:
