Թբիլիսի-Երևան չվերթը չեղարկվել է ուղևորների անբավարար քանակի պատճառով. պարզաբանում
ՀՀ վարչապետի խորհրդական Հակոբ Ճաղարյանը ֆեյսբուքյան էջում հետևյալ գրառումն է արել՝ արձագանքելով Թբիլիսի-Երևան չվերթի հետաձգման մասին լուրերին:
«Իրականությունն այս է`
Ո’չ Վրաստանը և ո’չ Հայաստանը չեն չեղարկել միմյանց հետ Օդային Հաղորդակցության որևէ մաս:
Նշված ուղղությամբ համատեղ թռիչքներ կատարող հայկական և վրացական ավիաընկերությունները` Armenia-ն և Georgian Airways-ը դեռևս 20-25 օր առաջ, ուղևորների անբավարար քանակի պատճառով իրենց չվացուցակից հանել են օրական 2 անգամ կատարվող Թբիլիսի-Երևան-Մոսկվա-Երևան-Թբիլիսի չվերթներից մեկը… և վերջ»,- գրել է նա:
Ճաղարյանը կապ է հաստատել «Արմենիա» ընկերության տնօրինության հետ, որը և հաստատել է իր կասկածների հիմնավորվածությունը: Նա նաև նշել է, որ իր որդին՝ Արան, այս պահին կատարում է այդ չվերթը՝ որպես այդ ընկերության օդաչու, և այժմ Մոսկվայից վերադարձի ճանապարհին է:
«Երևան-Թբիլիսի հատվածում ուշացումներ չեն նախատեսվում»,- նշել է նա:
