Պայքարի մեջ ենք․ Լևոն Քոչարյան
ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը՝ անդրադառնալով հոր առողջական վիճակին, լրագրողներին ասել է, որ առողջական լուրջ խնդիրներ չկան։ «Հետվիրահատական որոշ բաներ պետք է արվեր, լուրջ բան չկա», - ասաց նա։
Նշենք, որ Ռոբերտ Քոչարյանն այս օրերին հետվիրահատական բուժզննում է անցնում «Իզմիրլյան» բժշկական կենտրոնում:
Լևոն Քոչարյանը նաև ասել է, որ տեղյակ չէ՝ ինչո՞ւ փաստաբան Հայկ Ալումյանը միջնորդեց, որ դատական նիստի մի հատված լինի դռնփակ։
«Ինձ համար անակնկալ էր», - ասել է նա՝ ընդգծելով, որ այս գործով իշխանությունը հստակ թելադրել է իր ցանկությունը։
Նա նշեց, որ խնդիր չեն տեսնում նրանում, որ Քոչարյանն Ամանորը դիմավորելու է կալանավայրում։
«Պայքար է, պայքարի մեջ ենք, հասկանում ենք, որ իշխանությունն իր կամքն է թելադրում ու դատական համակարգի մի մասը դեռևս ենթարկվում է էդ ամեն ինչին։ Պատրաստ ենք պայքարի, շարունակելու ենք մինչև վերջ, մինչև որ արդարությունը վերականգնվի», - ասաց Լևոն Քոչարյանը։
