Ստուգումներ գազալցակայաններում․ խախտումներ են հայտնաբերվել
Շուկայի վերահսկողության տեսչական մարմինը ստուգումներ է իրականացրել Կոտայքի մարզի Աբովյան քաղաքի Կոտայքի փողոցի 1/80 հասցեում գործող «ԱՐԴԱ ԳԱԶ» ՍՊԸ-ի ԱԳԼՃԿ-ում: Ստուգման արդյունքում պարզվեց, որ ընկերության կողմից չի պահպանվել համապատասխան տեխնիկական կանոնակարգի պահանջը՝ լիցքավորվող գազի ճնշումը գերազանցել է սահմանված չափը: Խախտման համար ընկերությունը, օրենքով սահմանված կարգով, ենթարկվել է վարչական տույժի: Թերությունները շտկվել են:
