ԼՈՒՍԱՆԿԱՐՆԵՐ. Վիկտորիա ջրվեժը ցամաքել է
Զամբիայի և Զիմբաբվեի սահմանագծին գտնվող Վիկտորիա ջրվեժի համար ուժգին երաշտի շրջան է: Թափվող ջրի ծավալների փոփոխությունը նորմալ երևույթ է՝ ջրվեժը սնվում է չոր սեզոնին ծանծաղող գետերից: Այդուհանդերձ, Վիկտորիան այս մասշտաբով չի ցամաքել անցած 25 տարում: Արդյունքում` ջրվեժը, ունենալով 1,4-ից 14 հազար մ³/վ ջրի ծախս, կիսով չափ ծանծաղել է:
Դա բազմաթիվ խնդիրներ է առաջացնում՝ սահմանային երկրների տնտեսությունը կախված է ջրվեժի «առողջությունից»: Դրանով են պայմանավորված տուրիզմը, հիդրոէներգետիկան ու գյուղատնտեսությունը: Տեղի բնակիչներին արդեն պարենային օգնություն է պետք: Բացի դրանից՝ Վիկտորիայի երկու ափերի արևադարձային անտառներն ու մյուս փխրուն էկոհամակարգերը ևս տուժում են՝ մնալով անջուր:
Նորմալ պայմաններում անձրևը սկսում է հոկտեմբերից, շարունակվում է մինչև փետրվար: Ամենայն հավանականությամբ, տեղումների դեռ կլինեն, թեև օդերևութաբանները հուսադրող կանխատեսումներ չեն անում: Վերջին տարիների դիտարկումները ցույց են տալիս, որ երաշտի շրջանն ավելի տևական է դառնում:
