Վիետնամից Հայաստան հագուստ է ներմուծվում․ ՊԵԿ փոխնախագահ
Վիետնամից Հայաստան ավելի հաճախ հագուստ է ներմուծվում։ Այս մասին ՀՀ Ազգային ժողովի արտահերթ նիստում հայտնել է Պետական եկամուտների կոմիտեի փոխնախագահ Միքայել Փաշայանը՝ ներկայացնելով Եվրասիական տնտեսական միության երկրների և Վիետնամի միջև տեղեկատվության փոխանակման մասին արձանագրության նախագիծը։
Փաշայանը հավելել է, որ Հայաստանից Վիետնամ արտահանվում է ալկոհոլային խմիչք։
Ըստ ՊԵկ պաշտոնյայի՝ երկրների միջև ապրանքաշրջանառությունը սպառողական ապրանքների մակարդակի է, ոչ թե ռազմավարական։
