Նիժնի Նովգորոդում երեխաների հետ վրաերթի ենթարկված ուսուցչուհին մահացել է
Ինչպես արդեն տեղեկացրել ենք, ՌԴ Նիժնի Նովգորոդ քաղաքում 10 երեխայի և նրանց հետ փողոցն անցնող ուսուցչուհիներին վրաերթի են ենթարկել: ՌԻԱ Նովոստիի փոխանցմամբ` վրաերթի ենթարկված և հիվանդանոց տեղափոխված ուսուցչուհին մահացել է:
Նշվում է, որ ուսուցչուհիները երեխաներին թատրոն էին տանում ու փողոցն անցնում էին հետիոտների համար սահմանված վայրով: Քաղաքապետ Վլադիմիր Պանովը նշել է, որ տեղի ունեցածը մեծ ողբերգություն է ու մեղավորը մեքենայի վարորդն է:
