Այն պարտիզանական պատերազմները, որոնք մարդիկ մտադրվում են իրականացնել, բների մեջ խեղդվելու են։ Ազգային ժողովի ամբիոնից հայտարարեց ԱԺ պաշտպանության եւ անվտանգության հարցերի մշտական հանձնաժողովի անդամ, «Իմ քայլը» խմբակցության պատգամավոր Տիգրան Կարապետյանը՝ անդրադառնալով նախօրեին ՀՅԴ «Նիկոլ Աղբալյան» ուսանողական միության (ՆԱՈՒՄ) անունից տարածված նամակը, ըստ որի՝ ՀՅԴ ԳՄ-ն հրավիրել է հայաստանյան կոմիտեների ժողով եւ, ի թիվս այլ հարցերի, որոշել է, որ ՀՅԴ-ն պետք է պարտիզանական հարվածներ հասցնի ներկա իշխանություններին։ 

Պատգամավորը նշեց, որ ԱԺ պաշտպանության եւ անվտանգության հարցերի հանձնաժողովը տիրապետում է իրավիճակին, եւ ոչ միայն այս, այլ մի շարք այլ տեղեկություններ էլ ունեն․ 


«Բոլոր ուժերին, խմբակներին, անհատներին, որոնք նույնիսկ մտքի ծայրով անցկացրել են, որ կարող են ՀՀ լեգիտիմ իշխանության դեմ կատարել քայլեր, որոնք չեն բխում Սահմանադրությունից եւ օրենքներից, եթե կոռուպցիայի դեպքում իրենք կավարտվեն միայն թաթիկներ կտրելով, այստեղ գործողությունները համակցված են լինելու՝ ծեփվելու են պատերին, փռվելու են եւ նման այլ գործողություններ: Որեւէ մեկի մտքով չանցնի ՀՀ լեգիտիմ իշխանության դեմ ձեռնարկել քայլ, որը չի բխում ՀՀ օրենսդրությունից, Սահմանադրությունից: Այն պարտիզանական պատերազմները, որոնք մարդիկ մտադրվում են իրականացնել, բների մեջ խեղդվելու են: Ես սա ասում եմ ՀՀ ԱԺ պաշտպանության եւ անվտանգության հանձնաժողովի անունից: Հանգիստ վեր ընգեք տեղներդ», - ԱԺ ամբիոնից հնչեցրեց Կարապետյանը:

Տեսանյութը` News.am-ի.