ՊՆ-ը խստորեն դատապարտում է զորակոչիկի կողմից դրսևորած վարքը ու խոհեմության կոչ անում

ՀՀ Պաշտպանության նախարարությունը խստորեն դատապարտելով դեկտեմբերի 4-ին Երեւանի թիվ 1 զինվորական կոմիսարիատում զորակոչիկի կողմից դրսեւորած վարքը, խոհեմության կոչ է արել զինակոչիկներին եւ քաղաքացիներին՝ հորդորելով հատկապես զորակոչի համապետական գործընթացքում ձեռնպահ մնալ նմանատիպ ոչ իրավաչափ վարքագծի դրսեւորումներից: Խոհեմության կոչը տեղադրված է ՀՀ ՊՆ պաշտոնական կայքում: 

Հիշեցնենք, որ երեկ՝ դեկտեմբերի 4-ին, ոստիկանության Մաշտոցի բաժնում թիվ 1 զինվորական կոմիսարիատի աշխատակիցներից մեկը հաղորդում էր տվել, որ նշված օրը զինաակոչիկներից մեկը զինկոմիսարիատում հարվածել է իրեն։ Այնուհետ դիմել փախուստի: 

ՀՀ ՊՆ ռազմական ոստիկանության և ոստիկանության Մաշտոցի բաժնի քրեական հետախուզության բաժանմունքի ծառայողների համատեղ միջոցառումների շնորհիվ ճշտվել է զինկոմիսարիատի աշխատակցին հարվածած զորակոչիկի ինքնությունը։ Իրավապահների բացատրական աշխատանքի շնորհիվ զինակոչիկն ինքնակամ ներկայացել է ոստիկանության Մաշտոցի բաժին և խոստովանել կատարածը։ «Վերջին 10 օրերի ընթացքում սա նմանատիպ երկրորդ դեպքն է»,- տեղեկացնում է Երեւանի թիվ 1 զինկոմիսարիատի զինկոմի տեղակալ Կարեն Հովհաննիսյանը: