ՌԴ-ում տղամարդը կրակ է բացել մարդկանց ուղղությամբ. կա զոհ և վիրավոր

ՌԴ Պերմ քաղաքում տղամարդը կրակ է բացել, ինչի հետևանքով զոհվել է մի կին և վիրավորվել է ոստիկան, գրում է Пятый канал-ը:

Տեղեկությունների համաձայն՝ տղամարդը նախ` կրակել է տան դռան վրա, ապա փողոց է դուրս եկել և սկսել է կրակել մեքենաների և մարդկանց ուղղությամբ: Զոհվել է պատահաբար այդ փողոցով անցնող մի կին:

Դրանից հետո տղամարդը հրաձգություն է բացել դեպքի վայր ժամանած ոստիկանների ուղղությամբ:

Տղամարդը բերման է ենթարկվել ոստիկանություն, պարզվում են դեպքի հանգամանքները: