Ford Transit–ը բախվել է վրացական համարանիշներով բեռնատարի

Այսօր՝ դեկտեմբերի 3-ին, խոշոր ավտովթար է տեղի ունեցել Արարատի մարզում: Ժամը 06:30-ի սահմաններում Հայանիստ-Արգավանդ ավտոճանապարհի Հայանիստ գյուղի վերջնամասում Երևանի բնակիչ, 30-ամյա Սեդրակ Խ.-ն իր վարած Ford Transit մակնիշի 35 FG 521 համարանիշի ավտոմեքենայով բախվել է ճանապարհի աջակողմյան հատվածում կայանված Iveco մակնիշի FF 943 վրացական համարանիշի կցորդիչով բեռնատարին:

Ինչպես հայտնում է shamshyan.com-ը, վթարի հետևանքով Ford Transit-ի վարորդ Սեդրակ Խ.-ն մարմնական վնասվածքներով տեղափոխվել է «Էրեբունի» բժշկական կենտրոն:

Ոստիկանները պարզել են, որ Iveco մակնիշի ավտոմեքենան պատկանում է Վրաստանի քաղաքացի, 54-ամյա Գենադի Պ.-ին: