Ուկրաինայում «օրենքով գողերին» դիմելը քրեական հանցագործություն կդիտվի
Ուկրաինայի նախագահ Վոլոդիմիր Զելենսկին Գերագույն Ռադա է ներկայացրել մի օրինագիծ, որը նախատեսում է քրեական պատասխանատվություն հանցագործ խմբավորումների ստեղծման, «օրենքով գողի» կարգավիճակ տալու համար: Այս մասին հայտնում է ՏԱՍՍ-ը:
Փաստաթուղթը ուղարկվել է քննարկման ՝ «Նախագահի կողմից հրատապ համարվող» գրությամբ:
Ըստ նախագծի` քրեական հանցանք կհամարվի հանցագործ խմբավորումների ստեղծումը, օրենքով գողի կարգավիճակի շնորհումը, հանցագործություն կատարելու պահանջով կամ խնդրանքով հանցագործ աշխարհի հեղինակություններին դիմելը, քրեական աշխարհի ներկայացուցիչների հավաքույթները, այսպես ասված «սխոդկաները» և այլն:
