ՏԵՍԱՆՅՈՒԹ․ Վարչապետը դիտողություն արեց խորհրդականին
Այսօր ՀՔԾ կազմավորման 12-րդ տարեդարձին վարչապետը մեդալներ հանձնեց ՀՔԾ ծառայողներին։ Այս ընթացքում Փաշինյանը դիտողություն արեց իր խորհրդական Ջեմմա Հակոբյանին սխալ հայտարարման համար։ Հակոբյանը, երբ հայարարում էր, թե ով ինչ մեդալով է պարգևատրել վրիպեց խոսքի մեջ։
«Իրավակարգի և օրինականության ամրապնդման գործում ներդրած ավանդի համար ՀՀ վարչապետի միջնորդությամբ Մխիթար Գոշի մեդալով պարգևատրվել են»,- ասաց նա։
Այդ պահին Նիկոլ Փաշինյանը մոտեցավ խորհդրականին և ականջին ինչ-որ բան ասաց։ «Վարչապետի դիտողությունն ընդունում եմ, որովհետև միջնորդությունից հետո անպայման լինում է նախագահի հրամանագիր։ Հետևաբար, վարչապետի միջնորդությամբ, հանրապետության նախագահի հրամանագրով է պարգևատրումը տեղի ունենում»,-ասաց Ջեմմա Հակոբյանը։
