Այսօր ԵՊՀ հայ բանասիրության ֆակուլտետի ուսանողները դասադուլ են հայտարարել: Նրանք բողոքում են բուհական ծրագրերում հայոց լեզու, հայոց պատմություն և հայ գրականություն առարկաները ոչ պարտադիր դարձնելու մասին որոշման դեմ:

ԵՊՀ ուսանողական խորհրդի նախագահ Դավիթ Ափոյանի խոսքով՝ ցույցը եղել է ինքնաբուխ, և եթե խնդրին նայենք, ինչպես նախագծի հեղինակները, ապա այդ տեսանկյունից կարելի է արդարացնել, սակայն իրականում դա այդպես չէ.

«Դպրոցում և համալսարանում անցածը բոլորովին այլ է, այստեղ դասավանդումն ուրիշ է: Չեմ կարծում, որ մայր բուհը հիմա նախարարության ուշադրության տակ է: Ֆակուլտետի դեկանն էստեղ չէ, իմ տեղեկություններով՝ դեկանի միջոցով փորձում են այս հարցին ստվերային լուծում տալ»: