![Բալասանյանին ՀՔԾ-ից ծանուցում չի եկել. գրասենյակ](https://auroranews.am/storage/img/base_image/old/b90e1f1b34a60624a8ea9312ff20cbc1.webp)
Բալասանյանին ՀՔԾ-ից ծանուցում չի եկել. գրասենյակ
![Բալասանյանին ՀՔԾ-ից ծանուցում չի եկել. գրասենյակ](https://auroranews.am/storage/img/base_image/old/b90e1f1b34a60624a8ea9312ff20cbc1.webp)
Արցախի ազգային անվտանգության խորհրդի նախկին քարտուղար, գեներալ-մայոր Վիտալի Բալասանյանին ՀՀ հատուկ քննչական ծառայությունից ծանուցում չի եկել։ Այս մասին NEWS.am-ին հայտնել են Վիտալի Բալասանյանի գրասենյակից։ Նշենք, որ ըստ մամուլի հրապարակումների՝ Վիտալի Բալասանյանին ՀՀ ՀՔԾ-ն բերման ենթարկելու որոշում է կայացրել։
«Այս պահին Վիտալի Բալասանյանը բարձր տրամադրությամբ իր աշխատասենյակում զրուցում է հյուրերի հետ։ Նրան ՀՔԾ-ից ծանուցում չի եկել»,- հայտնեց գրասենյակի աշխատակիցը։
Հիշեցնենք, որ Վիտալի Բալասանյանը երկու անգամ հրավիրվել էր ՀՔԾ՝ հարցաքննության, սակայն առաջին անգամը չէր ներկայացել, եւ ՀՔԾ-ն երկրորդ անգամ էր նրան հրավիրել հարցաքննության, նա իր ցուցմունքն ուղարկել է գրավոր տարբերակով։ Նրան հարցաքննության էին կանչել վկայի կարգավիճակով՝ «Մարտի 1»-ի գործի անջատված մասի շրջանակներում։