Մաղձից ելնելով՝ ընդգծված ձևով պատասխանում են. Բաբայանը` սահմանում տիրող իրավիճակի մասին
Լեռնային Ղարաբաղի նախագահի խոսնակ Դավիթ Բաբայանը ֆեյսբուքյան իր էջում գրել է հակառակորդի կողմից հրադադարի պահպանման ռեժիմի խախտումների մասին: Ներկայացնում ենք գրառումը ստորև.
«Վերջին օրերին արցախադրբեջանական հակամարտ զորքերի շփման գծում նկատվում է հակառակորդի կողմից հրադադարի պահպանման ռեժիմի խախտումների աճ:
Հակառակորդի ակտիվացման առիթը միանշանակ ընդունված բանաձևն է, ԱՄՆ ներկայացուցիչների պալատի կողմից բանաձևի ընդունումը հիստերիկ արձագանք էր ստացել Թուրքիայում, Ադրբեջանում, «այսպիսի զարգացումներից հետո մաղձից ելնելով՝ ընդգծված ձևով պատասխանում են»:
Սա միայն առիթ է, բայց պատճառն այն է, որ ի դեմս Ադրբեջանի ունենք, իրոք, նացիստական ահաբեկչական երկիր, նրանք չեն վերանայել ոչ իրենց մոտեցումները, ոչ ցանկությունները, ոչ ծրագրերը:
Այս գիշեր շփման գծում արձանագրվել են հրադադարի պահպանման ռեժիմի խախտումներ, բայց որևէ տագնապալի բան չկա, պաշտպանության բանակը շարունակում է վստահորեն իր ձեռքերում պահել ռազմավարական նախաձեռնողականությունը»,- գրել է Դավիթ Բաբայանը:
