Քամիշլոյից դուրս գալն անհնար է դարձել. քաղաքը ենթարկվում է ռմբակոծության (տեսանյութ)

Սիրիայի Էլ-Հալիլ և Թանուրա սահմանամերձ շրջաններում՝ Քամիշլոյի (Դամասկոսից 680 կմ) քաղաքի մոտակայքում, բախումներ են տեղի ունենում քրդական ջոկատների և թուրքական զինվորականների միջև։ Քրդական հակամարտության հարցերով փորձագետ Կարեն Հովհաննիսյանը ֆեյսբուքյան իր էջում տեսանյութեր և տեղեկություններ է հայտնում: 

Վերջին տվյալներով` Քամիշլոյից դուրս գալն անհնար է դարձել:

«Հենց նոր կապ էի հաստատել Քամիշլոյի մեր հայրենակիցների հետ: Քամիշլոյից դուրս գալն անհնար է: Քաղաքը ենթարկվում է ռմբակոծության, վիդիոկապով ես էլ ականատես եղա պայթուներին: Դեռևս բջջային կապ, ինտերնետ կապ կա: Աստված պահապան... Ինչ ասեմ... Քաղաքը ենթարկվում է ռմբակոծության, վիդիոկապով ես էլ ականատես եղա պայթուներին: Դեռևս բջջային կապ, ինտերնետ կապ կա: Աստված պահապան: Ինչ ասեմ...»,- գրել է Հովհաննիսյանը: 

Թուրքական զինուժի ռմբակոծության հետևանքով Քամիշլոյի Բեշերիյե թաղամասում գտնվող ասոր տներից մեկն ավերվել է: Տան տերը, ասորի Ֆադի Սաբրի Հաբսոտունը զոհվել է: