Գերմանական Հալլե քաղաքում տեղի ունեցած արյունալի միջադեպի տեսանյութը հրապարակվել է համացանցում
Ինչպես արդեն տեղեկացրել ենք, գերմանական Հալլե քաղաքում անհայտ անձինք կրակ են բացել, ինչի հետևանքով մի քանի մարդ է զոհվել:
Միջադեպը տեղի է ունեցել հրեական գերեզմանատան ու սինագոգի հարևանությամբ:
Ոստիկանությունը հաղորդել է 2 զոհի մասին, սակայն ավելացրել է, որ դրանք նախնական տվյալներ են: Ենթադրյալ հանցագործները թաքնվել են:
«Bild» պարբերականի տվյալներով՝ հանցագործներից մեկի ձեռքին ինքնաձիգ է եղել, մյուսի ձեռքին՝ պայթուցիկ: Լրատվամիջոցներում միջադեպի մասին տեսանյութ է հրապարակվել: Նշվում է, որ հանցագործը հարձակման ամբողջ ընթացքը տեսանկարահանել է հեռախոսով: Տեսանյութն արդեն հրապարակվել է համացանցում:
