Վարչապետը ելույթը սկսեց Ապրիլյան պատերազմի օրերին գրված իր բանաստեղծությամբ

ՀՀ վարչապետ Նիկոլ Փաշինյանը Ստեփանակերտի Վերածննդի հրապարակում ելույթ է ունեցել և խոսել մի շարք խնդիրների մասին: Վարչապետը կարդաց իր բանաստեղծություններից մեկը, որ գրել է 2016 թ․-ին Մարտակերտում, երբ իրականացնում էր հերթապահություն.

Հայոց զորքը հարթավայրում

Տիգրանի քաղաքի լանջերից հորիզոնն է ծփում անսահման,

Դարեր անց մենք կանգնած ենք նորից, մենք կանգնած ենք հեռվին հանդիման,

Մեր սարերը, մեր բախտը մեր լացը, մենք ճեղքել, հաղթել ենք նրանց,

Հորիզոնը այստեղ մեր դիմաց է, թիկունքում մեր արտերը կանաչ,

Մեր հայացքը այլևս ազատ է, ոչ մի պատ չի բանտում միտքը մեր,

Հեռուները մոտիկ, հարազատ են, մենք զինվոր ենք հաղթող ենք ու տեր:

Այս հողի մեջ հոգուս զարկերակն է, այս հողով իմ արյունն է հոսում,

Ես պատռել եմ զոհի հին կտակը, հաղթական արյունն է հոսում,

Մեր հայացքը այլևս ազատ է, ոչ մի պատ չի բանտում միտքը մեր,

Հեռուները մոտիկ հարազատ են, մենք զինվոր ենք, հաղթող ենք ու տեր: