Մահացե՞լ է Թուրքմենստանի նախագահը. տեղի մամուլը հաստատում է, պաշտոնական աղբյուրները՝ լռում
Մոտ մեկ ժամ առաջ Թելեգրամ ալիքի բաժանորդները տարբեր լրատվական կայքերից հաղորդումներ են ստանում, թե մահացել է Թուրքմենստանի նախագահ Գուրբանգուլի Բերդիմուհամեդովը: Գովորիտ Մոսկվա ռադիոկայանի եթերում այս մասին ասել է Եվրասիական հարցերով փորձագետ Ասլան Ռուբաեւը, որն էլ իր հերթին հղում է արել Աշգաբադում իրեն մոտ կանգնած աղբյուրներին: Մասնավորապես նրանց թվում կան Թուրքմենստանի հատուկ ծառայությունում աշխատակիցներ, որոնք եւ հաստատում են Բերդիմուհամեդովի մահվան փաստը: Նշենք, որ Թուրքմենստանի նախագահն արձակուրդ է մեկնել հուլիսի 15-ին: Արձակուրդ մեկնելուց հետո նրա մահվան մասին լուրերը սկսել են շրջանառվել տեղի ընդդիմության կայքերում: Մասնավորապես հայտարարվել է, որ Գուրբանգուլի Բերդիմուհամեդովը մահացել է հուլիսի 20-ին, երիկամային անբավարարությունից: Մինչ այս պահը լուրի ոչ հաստատում ոչ հերքում չկա: Թուրքմենիան համարվում է ինֆորմացիոն բավական փակ երկիր:
