Թբիլիսյան բախումներից հետո երկրի ՆԳՆ ղեկավարը հրապարակային հայտարարություն է արել

Վրաստանի ՆԳՆ Գիորգ Գախարիան հունիսի 20-ի արյունոտ իարադարձություններից հետո հրապարակային  հայտարարություն է արել: 

«Հունիսի 20-ին Թբիլիսիի կենտրոնում ցուցարարները փորձեցին գրոհով վերցնել  խորհրդարանի շենքն ու զավթել իշխանությունը»,- լրագրողների հետ հանդիպմանը հայտարարել է նա՝ մեկնաբանելով այդ գիշեր խորհրդարանի շենքի մոտ  ստեղծված իրավիճակը:

Նշենք, որ ցույցի մասնակիցները մեղադրում են Գախարիային հունիսի լույս 21-ի գիշերը ցույցի դաժան ցրման մեջ, որի ժամանակ ոստիկանությունը ցուցարարաների դեմ օգտագործել էր արցունքաբեր գազ ու ռետինե փամփուշտներ: Բախման հետևանքով տուժել էր 240 մարդ, այդ թվում `80 ոստիկան:

«Միջոցառումների պատասխանատուն ես եմ: Այս պատասխանատվությունը վերցնում եմ իմ վրա: Գտնում եմ, որ ոստիկանությունը այն ծանր գիշերն օգտվել է իր լեգիտիմ իրավունքից: Քանի դեռ չի տրվի պատասխան ուժի չարաշահման մասով հարցերին, ես այստեղ եմ և պաշտպանելու եմ բոլոր ոստիկանների շահերը»,- ասել է Գիորգի Գախարիան: