Սուրիկ Խաչատրյանի (Լիսկա) հսկայական առանձնատունը մի քանի օր առաջ է պետական գրանցում ստացել
Այսօր Ազգային ժողովում Կադաստրի պետական կոմիտեի ղեկավար Սարհատ Պետրոսյանը հայտարարեց, որ Սյունիքի նախկին մարզպետ Սուրիկ Խաչատրյանի (Լիսկա)՝ Երևանում գտնվող առանձնատունը, որը երկար տարիներ է՝ կառուցված է, միայն երկու օր առաջ է պետական գրանցում ստացել՝ համապատասխան վճարումներ կատարելով համայնքային բյուջե։
Պետրոսյանի հավաստմամբ, մինչ այժմ այդ առանձնատունը ապօրինի շինություն էր.
«Իմ ողջ պաշտոնավարման ընթացքում միակ անգամը, որ չեմ դիմացել գայթակղությանը և արտահայտվել եմ նախկին պաշտոնյաների մասին, հենց այդ գույքի մասին է, որը գրանցվեց 2 օր առաջ՝ համապատասխան վճարումներ կատարելով Երևանի համայնքային բյուջե: Մինչև այդ պահը դա ինքնակամ շինություն էր համարվում: Ես չէ, որ պետք է ասեմ, թե ինչ պետք է կատարվի այդ գույքի հետ, բայց մենք մեր լիարզորությունների շրջանակներում պատրաստ ենք աջակցել այն իրավական որոշմանը, որը կկայացվի այդ գույքի ապագա ճակատագրի հետ կապված», - ավելացրեց նա։
