Աբխազիան ժամանակավորապես փակել է Վրաստանի հետ պետական սահմանը
Աբխազիայի Պետական անվտանգության ծառայությունը Վրաստանի հետ սահմանը հատելու ժամանակավոր սահմանափակումներ է սահմանել: Այս մասին հաղորդում է «РИА «Новости»-ն:
Նաև արգելվել է Աբխազիայի բնակիչների մուտքը Վրաստան:
Պետական անվտանգության ծառայության տվյալներով` այդպիսի միջոցները ձեռնարկվել են Վրաստանում տեղի ունեցող բողոքի ակցիաների պատճառով, որոնք «առնչվում են նաև Աբխազիայի պետականությանը»:
«Աբխազիայի Հանրապետության պետական անվտանգության ծառայությունը մշակել և իրականացնում է անհրաժեշտ միջոցառումներ»,- հաղորդել է Պետական անվտանգության ծառայությունը:
Վրաստանի տարածքից օտարերկրացիների մուտքը սահմանափակվել է հունիսի 27-ից:
