Ռուսաստանից Վրաստան տոմսերը մեկ երրորդով թանկացել են
Ռուսաստանից Վրաստան ավիատոմսերը մեկ երրորդով թանկացել են: Այս մասին հայտնում է ՌԲԿ-ն՝ վկայակոչելով Tutu.ru ճանապարհորդությունների ծառայությանը:
Խոսքը՝ մոտ 34 տոկոս թանկացման մասին է. հիմա ամենաէժան թռիչքի գինը կազմում է 7 հազար ռուբլի, օդանավի փոփոխման դեպքում՝ 9,5 հազար ռուբլի:
Հստակեցվում է, որ գները բարձրացել են Վրաստանի խորհրդարանում Պետդումայի պատգամավոր Սերգեյ Գավրիլովի հետ կապված միջադեպի ֆոնին հարաբերությունների վատթարացման պատճառով:
ՌԴ նախագահ Վլադիմիր Պուտինը հրաման է ստորագրել, որով ռուսական ավիաընկերություններին արգելվում է Ռուսաստանի քաղաքացիներին Վրաստան տեղափոխել:
Ռուսաստանի տարածքում վրացական ավիաընկերությունների թռիչքները կդադարեցվեն հուլիսի 8-ից:
