Ռուս զբոսաշրջիկներին խորհուրդ են տալիս առաջիկայում չայցելել Վրաստան
ՌԴ Դաշնային խորհրդի միջազգային հարաբերությունների կոմիտեի փոխնախագահ Վլադիմիր Ջաբարովը հորդորել է ռուս զբոսաշրջիկներին առաջիկայում Վրաստան այցելության ծրագրեր չմշակել, քանի դեռ այնտեղ չի կարգավորվել վիճակը: Այս մասին հայտնում է РИА Новости-ն:
Նրա խոսքերով` ռուս զբոսաշրջիկները ավելի լավ է ռիսկի չդիմեն՝ հաշվի առնելով ստեղծված իրավիճակը: «Թող սկզբում վրացական իշխանությունները կարգավորեն ստեղծված իրավիճակը»,- ասված է հայտարարության մեջ:
Նշվում է նաև, որ առաջիկայում Վրաստանում իրավիճակը հնարավոր է` կրկին սրվի: Ռուս պաշտոնան իր խոսքի վերջում նաև հույս է հայտնել, որ վրացական իշխանությունները կդատապարտեն «այդ տգեղ պատմությունը»:
