Այսօր՝ հունիսի 19-ին, Երևանի ճանապարհային ոստիկանության պետ Արամն Հակոբյանի կարգադրությամբ Երևանի ճանապարհային ոստիկանները հայտնաբերել են Mercedes G500 մակնիշի 10 QQ 111 համարանիշի օրինախախտ վարորդին: Ինչպես հայտնում է ֆոտոլրագրող Գագիկ Շամշյանը, վերջինը կատարած խախտման համար վարչական պատասխանատվության է ենթարկվել: Գ. Շամշյանի տեղեկություններով՝ նշված ավտոմեքենան պատկանում է Երևան քաղաքում հայտնի «Ծղոտներ» ռեստորանային համալիրի սեփականատեր «Ծղոտների Գևորին»: 

Նշենք, որ համացանցում տեսանյութ էր տարածվել, որում  երևում է, թե ինչպես է Mercedes G 500 մակնիշի 10 QQ 111 համարանիշի ավտոմեքենայի վարորդը Մյասնիկյան պողոտայում երթևեկում հանդիպակաց՝ լրիվ արհամարհելով ճանապարհային երթևեկության կանոնները։ 

Տեսանյութը՝  shamshyan.com-ի