Մել Դալուզյանը դուրս է գրվել հիվանդանոցից

Ավազակային հարձակման հետևանքով վիրավորում ստացած ՀՀ ծանրամարտիկ Մել Դալուզյանը դուրս է գրվել հիվանդոցից։ Այս մասին հայտնում են Նիդեռլանդներում ՀՀ դեսպանությունից: «Ուրախությամբ տեղեկացնում ենք, որ Ամստերդամում ավազակային հարձակման ժամանակ հանցագործներին դիմադրություն ցույց տալու հետևանքով վիրավորում ստացած ՀՀ քաղաքացի Մել Դալուզյանը դուրս է գրվել հիվանդոցից»,-նշված է հաղորդագրության մեջ։ Հիշեցնենք, որ Մել Դալուզյանը խանութում ավազակային հարձակման ժամանակ օգնել էր խանութի աշխատակցին՝ տապալելով գողերին: