Նոր նշանակում ոստիկանությունում. Արմեն Սարգսյանի հրամանագիրը

ՀՀ նախագահ Արմեն Սարգսյանի հրամանագրով ոստիկանության փոխգնդապետ Վահե Ղազարյանը նշանակվել է Հայաստանի Հանրապետության ոստիկանության զորքերի հրամանատար, ոստիկանության պետի տեղակալ: Այս մասին տեղեկացնում է ՀՀ նախագահի գրասենյակը։ «Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 2-րդ մասի, «Ոստիկանությունում ծառայության մասին» օրենքի 13-րդ հոդվածի 4-րդ մասի և 13.1-ին հոդվածի 3-րդ մասի` Վահե Ղազարյանին նշանակել Հայաստանի Հանրապետության ոստիկանության զորքերի հրամանատար, ոստիկանության պետի տեղակալ»,– նշված է հրամանագրում: Սարգսյանը հրամանագիրը ստորագրել է երեկ` մայիսի 22-ին։